Ons weet dat lesers soms (dikwels?) die slot van ‘n boek lees voor hulle besluit om dit te koop. Dit spreek dus vanself dat die laaste sin of paragraaf van net soveel belang is as die eerste. Kyk gerus na die laaste paragrawe wat ek hieronder na die eerste sinne geplaas het. Kan jy ‘n idee vorm van die tipe verhaal wat Lees voort
Monthly Archives: Junie 2011
Om te ‘show’ of om te ‘tell’.
Ons het al ‘n paar keer hieroor gesels, maar dit is inderdaad so belangrik en so ‘n groot uitdaging dat ons dalk weer idees kan uitruil en so mekaar kan help.
Die korrekte balans tussen show en tell is dalk een van die moeilikste dele van skryf . As jy te veel vertel, raak jou storie langdradig en die leser gaap. Maar daar is wel tye wanneer dit meer sin maak om te vertel. Byvoorbeeld wanneer die leser sekere inligting nodig het oor die storiewêreld of karakters. Dit help ook Lees voort
Raad van ‘n groot digter
By onderstaande skakel op Litnet gee Joan Hambidge kosbare raad vir voornemende digters. As ‘n mens mooi lees, sien jy die meeste daarvan kan op enige ander tipe skryfwerk ook van toepassing wees:
‘n Blitsverkoper – blote geluk?
Wat maak dat ‘n skrywer se boeke soos soetkoek verkoop? Was dit die regte bemarking deur die uitgewer, of blote geluk? Donald Maass sê dis die “passion, purpose and techniques” van die skrywer wat die ding doen. Hy sê die boek se buiteblad kan treffend wees, die bemarkers kan hulleself oortref, maar as die lesers nie die skrywer se passie tussen die bladsye kan vind nie, sal daai boek nie verkoop nie. Lesers kom baie vinnig agter wanneer ‘n boek soos ‘n skip sonder roer van koers af dryf sê Maass verder. Hy reken dis wanneer daardie passie, doelgerigtheid en die skryftegnieke van die skrywer nie is wat dit moet wees nie.
Ek hoor soms skrywers spog met hoe vinnig hulle ‘n manuskrip kan voltooi en dan wonder ek of daardie afgerammelde werk enige tekens van bogenoemde drie kwaliteite gaan toon.
Ons hoor graag wat ervare skrywers te sê het hieroor.
Skryfskool vir liefdesverhale September 2011
DAAR IS NOG PLEK VIR LAATSLAPERS. GOU SPEEL!!
ATKV-SKRYFSKOOL
LENTESKOOL VIR
LIEFDESVERHAALSKRYWERS
Die ATKV-Skryfskool van die Noordwes-Universiteit in samewerking met LAPA Uitgewers bied van 1 – 3 September 2011 die jaarlikse slypskool in die skryf van liefdesverhale aan. Lees voort
Rykie Roux: ’n Katterige kyk na konflik in ’n storie
Hierdie bydrae van on(s)katbare waarde kom van die gewilde skrywer, Rykie Roux:
Ons begin met ’n enkele sin:die kat sit op die mat.
Dis g’n storie nie sal jy sê. Dis miskien ’n skildery of dalk ’n foto. Maar ’n storie?Jy is reg, dis nie ’n storie. Nog nie. Maar dit kan ’n storie word as ons die regte vrae vra. Lees voort
ATKV skryfskool vir romantiese fiksie 2011
Ons merk op dat baie besoekers aan die blog na inligting oor skryfskole soek. Daar word wel ‘n lenteskool vir die skryf van romantiese fiksie by die Potchefstroomse Universiteit beplan vir vroeg in September. Sodra ons die finale reelings en die besonderhede van hulle af ontvang, sal ons dit hier plaas. Byt net ‘n bietjie vas!! Loer gerus weer in en gesels saam.