Wanneer ander jou werk kritiseer …

Vrees vir verwerping is een van die mensdom se grootste troetel-einas. Wanneer ‘n skrywer ‘n manuskrip pos, begin daardie vrees aan jou knaag. Jou skryfwerk het uit jou hart uit gekom, dis soos ‘n kind wat uit jou gebore is. Verwerping of kritiek gaan jou beslis seermaak. Handewringend wag jy dus op daardie uitslag.

“Dankie, maar nee dankie” kom daardie beleefde, maar besliste briefie. Eina!!

Onthou dan een ding: jy is in goeie geselskap. Groot skrywers het dit ook al beleef en daarna met harde werk groot sukses behaal. Lees voort

So leer ‘n mens …

Lenteskool voorlegging

Hierbo is die skakel na my poging by verlede jaar se skryfskool vir liefdesverhale op Potch. As jy daarop kliek, gee dit jou ‘n keuse in watter program jy dit wil oopmaak. Kies PowerPoint, dan sal jy die skuifiereeks kan sien.
Die praatjie was nie bedoel om voorskriftelik te Lees voort

Terugblik: Romanse vs. hygroman

Hierdie artikel is in Mei 2010 deur Madelie Human geskryf:

Daar word heel dikwels in die media na die romanse as die ‘hygroman’ verwys. Dis ‘n neerhalende term wat deur oningeligtes uitgedink is – onoorspronklik en slegs ‘n nabootsing van die Engelse term ‘boddice ripper’.

Die Romanza reeks waarvoor ek skryf, kan beslis nie as sulks beskou word nie. Ons het weliswaar ook bygehou met die tye en ons romanses Lees voort

Konflik – laag op laag.

Vir enige skrywer, hetsy jy ‘n beginner of ervare is, bly dit ‘n uitdaging om die konflik in jou verhaal geloofwaardig deur die verloop van jou boek te laat ontplooi. Kate Walker, ervare romanseskrywer vir Mills & Boon, sê jy moet die verskillende aspekte van die konflik tussen die karakters geleidelik aan jou leser bekendmaak. As jy wil hê die konflik in jou boek moet die emosionele impak hê wat uitgewers en redakteurs soek, moet die leser dit laag vir laag, soos met die afskil van ‘n ui, ontdek, dan sal hulle jou boek nie kan neersit nie.

Gaan lees gerus hierdie artikel op haar blog, dis die moeite werd:

http://kate-walker.blogspot.com/2010/07/conflict-layering-it-through-book-onion.html

Jou eie skryfstem

Ek hoor dikwels hoe daar aan skrywers die raad uitgedeel word dat jy jou eie stem moet vind.

Wat is dit?

Ek glo dis die soeke na ‘n manier van skryf waarmee jy gemaklik kan voel. Dit help nie om jou gunstelingskrywer of iemand wie se werk jy baie bewonder, te probeer na-aap nie. Ek sou sê jy moet eerder kyk wat dit is wat daardie skrywer doen wat jou so beïndruk, en beoefen daardie tegniek op jou eie manier. Leer van ander, ja, maar moenie probeer om hulle te wil wees nie. ‘n Skrywer wat ‘n ander probeer nadoen, klink soos iemand wat met ‘n vreemde aksent probeer praat – aangeplak en onopreg. Lesers tel dit baie vinnig op.

‘n Skrywer wie se werk ek baie bewonder, Maeve Binchy sê: “I think that finding a voice in writing has everything to do with integrity and little with stylistic imitation.”

Watter bekende skrywers bewonder jy en by wie sal jy graag wil leer?