- LENTESKOOL 2017
MET SKRYFKOMPETISIE
VIR SKRYWERS VAN ROMANTIESE FIKSIE
Die ATKV-Skryfskool van die Noordwes-Universiteit, in samewerking met die liefdesverhaaluitgew…er LAPA, bied van Donderdag 14 tot Saterdag 16 September 2017 ’n slypskool in die skryf van liefdesverhale aan.
Bekende en bekroonde skrywers van romantiese fiksie, verteenwoordigers van LAPA-uitgewery en personeel van die ATKV-Skryfskool tree as gespreksleiers op. Liefdesverhaalsoorte soos die romanse en liefdesroman kom onder die loep.
Hierdie twee-en-’n-halfdag-geleentheid is ’n praktiese slypskool vir enigiemand wat ’n liefdesverhaal wil skryf. Dit word aangebied op die Potchefstroom-kampus van die Noordwes-Universiteit en die inskrywingsgeld beloop R2 750 per persoon. Dié bedrag dek ook deelverblyf in selfsorgeenhede by die PUK Astro Villa, oggend- en middagpouseverversings en ’n funksie op Vrydagaand 15 September. ’n Beperkte hoeveelheid verblyfplekke is beskikbaar. Skakel mev. Kobie van Aswegen te Kobie.VanAswegen@nwu.ac.za (tel. 018 299 1783) vir meer besonderhede.
Die ATKV-Skryfskool bied in 2017 ook ’n kompetisie in die skryf van ’n romanse aan. Die wenner hiervan sal die Lenteskool GRATIS kan bywoon. Vir meer inligting hieroor, tree eweneens in verbinding met mev. Kobie van Aswegen.
Kom leer onder die leiding van mense wat weet!
2. E-POSKURSUS IN DIE SKRYF VAN ROMANSES:
As jy graag wil leer om liefdesverhale te skryf, maar nie formele skryfskole kan bywoon nie, oorweeg dan hierdie informele kursus wat jy in die gerief van jou eie huis op jou eie tyd kan voltooi. Kontak vir Madelie Human by human.madelie@g-mail.com
SKRYWERS SKRYF 
Stuur asb vir my die datums van volgende jaar se herfsskool.
gerda
Laat weet my asb van skryfskole vir 2011. Ek is so lief vir skryf.
Liezl, jy kan gerus vir Prof Hans du Plessis-hulle by die Potch Universiteit kontak. Kobie van Aswegen is die baie bekwame persoon wat jou al die inligting oor hulle kursusse sal kan gee. As ek dit reg het, is die groot skryfskool in April in 2011 mondig. En daar is deesdae ook in Sept. ‘n kursus vir die skrywers van romantiese fiksie.
Sodra ons die regte inligting het, sal ons dit hier plaas. Loer gerus weer in.
Die ATKV sal hulle skryfskole sekerlik vroeg in die nuwejaar begin adverteer.
Hallo alle voornemende skrywers
Ek wil net graag laat weet dat SA Vryskutskrywer ‘n hele klomp skryfkursusse aanbied vir beginners. Mense soos Jeanette Ferreira en Helene de Kock bied verskillende romankursusse aan. Ons het ook twee kortverhaalkursusse wat baie gewild is. Kom loer gerus in by ons: http://www.savryskutskrywer.co.za
Dankie vir jou moeite om die inligting vir ons te bring, Leoni! Sal daar inloer.
Die jaarlikse Herfsskool vir skrywers word vanjaar weer deur die ATKV-Skryfskool van die Noordwes-Universiteit aangebied en bekendes uit die skryfwêreld sal as aanbieders optree. DATUM: 21 Maart 2011 – 25 Maart 2011
PLEK: Potchefstroom
KURSUSSE: Hoe skryf ek ʼn rubriek, prosa, poësie, kinderliteratuur?Hierdie bene loop gelyktydig tydens die skryfskool.
KOSTE: R3 000,00 per persoon wat deel. Luukse verblyf in die nuwe Puk Sports Village, Potchefstroom vir 4 nagte, ontbyt ingesluit.
SLUITINGSDATUM VIR INSKRYWINGS: 4 Maart 2011
TOELATINGSVEREISTES: Eie skryfstuk, soos hieronder uiteengesit. Vir vyf dae word daar intensief aan jou eie skryfwerk geskaaf deur skrywers, uitgewers, groepleiers en werkswinkelaanbieders. Aan die einde van die Herfsskool word ʼn bywoningsertifikaat toegeken. Om tot die Herfsskool toegelaat te word, word daar ʼn skryfstuk gevra wat jy saam met jou inskrywing voor die sluitingsdatum, 4 Maart 2011, moet instuur met ʼn deposito van R500,00 (nie terugbetaalbaar nie). Hierdie skryfstuk van jou word deur die loop van die week in kleingroepverband met jou bespreek.
NAVRAE
Tel: 018 299 1783 begin_of_the_skype_highlighting 018 299 1783 end_of_the_skype_highlighting
Faks: 018 299 1784
kobie.vanaswegen@nwu.ac.za
Atkv Skryfskool February 22 at 1:58pm Reply • Report
Die ATKV-Skryfskool word mondig! Nog net twee weke voor die sluitingsdatum vir inskrywings vir die Herfsskool 2011 wat vanaf 21 – 25 Maart in Potchefstroom plaasvind.
Skakel 018 299 1783 begin_of_the_skype_highlighting 018 299 1783 end_of_the_skype_highlighting of stuur vandag nog ‘n e-pos aan kobie.vanaswegen@nwu.ac.za om jou plek te verseker.
ATKV-SKRYFSKOOL
LENTESKOOL VIR
LIEFDESVERHAALSKRYWERS
Die ATKV-Skryfskool van die Noordwes-Universiteit in samewerking met LAPA Uitgewers bied van 1 – 3 September 2011 die jaarlikse slypskool in die skryf van liefdesverhale aan.
Hierdie slypskool van drie dae, wat plaasvind by die PUK Sports Village van die Noordwes-Universiteit, Potchefstroom, is ʼn praktiese slypskool vir enigiemand wat ʼn liefdesverhaal wil skryf.
Leon van Nierop, Sophia Kapp, Madelie Human en personeel van LAPA en die ATKV-Skryfskool gaan as aanbieders optree en fokus op die liefdesverhaal.
Die koste vir hierdie slypskool is R2 500,00 per persoon wat deel (2 persone per kamer). Dit sluit luukse verblyf in die nuwe PUK Sports Village
vir 2 nagte en ontbyt in.
Kursusgangers moet asseblief ’n kortverhaal met ‘n romantiese strekking (ongeveer 1 500) woorde of ‘n eerste hoofstuk (nie meer as 3 000 woorde nie) van ’n liefdesverhaal voor die sluitingsdatum aanstuur na: Kobie.VanAswegen@nwu.ac.za.
Die sluitingsdatum vir inskrywings vir hierdie slypskool is Vrydag, 12 Augustus 2011.
Vir meer inligting kan u skakel met Kobie van Aswegen by 018 299 1783 of e-pos: Kobie.VanAswegen@nwu.ac.za
NAVRAE
Tel: 018 299 1783
Faks: 018 299 1784
Kobie.VanAswegen@nwu.ac.za
POS INSKRYWINGS AAN:
Die Direkteur
ATKV-Skryfskool
Noordwes-Universiteit
Privaatsak X6001
POTCHEFSTROOM
2520
Kan iemand my meer inligting stuur oor die e-pos skryf skool asb
Stuur vir my ‘n e-pos na madelie@belanet.co.za dan stuur ek vir jou die inligting.
Wanneer gaan daar ooit slypskole wees in Pretoria? Hier is nooit sulke geleenthede nie! Net in die Kaap en ander plekke rond wat te ver is om dit by te woon!
Chantal, ek vra ook mos!! Oorweeg gerys my kursus in die skryf van romanses, as dit is wat jy wil doen. Let op na my nuwe e-posadres: human.madelie@gmail.com